بس اتنی بات پہ اتنا اچھل رہا ہوں میں

بس اتنی بات پہ اتنا اچھل رہا ہوں میں

بہ رنگ خواب ان آنکھوں میں پل رہا ہوں میں

تمھارے ساتھ یہاں تک تو آ گیا لیکن

اب اس کے بعد ارادہ بدل رہا ہوں میں

تمھارے خواب کو آنکھوں میں رکھ کے جاگا ہوا

تمہاری یاد کے تلووں کو مل رہا ہوں میں

جس ایک خواب کے باعث ہوئی تھی زخمی آنکھ

اس ایک خواب کو اب تک مسل رہا ہوں میں

تمھارے بعد بدن برف سا جما ہوا تھا

دوبارا آنچ لگی ہے پگھل رہا ہوں میں

بدن زمین کو تحفے میں دے دیا میں نے

اب آسمان کی جانب نکل رہا ہوں میں

سنائی دیتی ہے تو مجھ کو دور جاتی ہوئی

دکھائی دیتا ہے ہاتھوں کو مل رہا ہوں میں