بسکہ نہ کام آ سکا عشق میں دل دیا ہوا

بسکہ نہ کام آ سکا عشق میں دل دیا ہوا

حاصل زیست ہو گیا نام ترا لیا ہوا

حد جنوں سے ہوں پرے ورنہ کہاں کہ رہ سکے

خندۂ نوبہار سے چاک جگر سیا ہوا

عشق کی آبرو وفا حسن کی آرزو فنا

میرا کیا تو کیا ہوا آپ نے جو کیا ہوا

کیوں نہ ہوائے بےخودی ہو مجھے وجہ سر خوشی

دے کے سکون زندگی ہے یہ جنوں لیا ہوا

تیرے کرم سے گو اٹھا لطف جہان مدعا

کم نہ مگر ہوا ترا ذوق ستم دیا ہوا

چارہ گر حیات نے موت سی شے بھی دی تو کیا

شوق طلب میں بارہا زہر یہ تھا پیا ہوا