be-wajh nain hai aaina har bar dekhna

Sauda Mohammad Rafi

be-wajh nain hai aaina har bar dekhna

Sauda Mohammad Rafi

MORE BYSauda Mohammad Rafi

    be-vaj.h na.iiñ hai aa.ina har baar dekhnā

    koī dam ko phūltā hai ye gulzār dekhnā

    nargis tarah ḳhaak merī ugeñ haiñ chashm

    Tuk aan ke ye hasrat-e-dīdār dekhnā

    khīñche to teġh hai haram-e-dil ke said par

    ai ishq par bhalā mujhe maar dekhnā

    hai naqs-e-jān diid tirā par yahī hai dhun

    jaao yaar ho mujhe yak-bār dekhnā

    ai tifl-e-ashk hai falak-e-haftamīñ pa arsh

    aage qadam na rakhiyo zinhār dekhnā

    pūchhe ḳhudā sabab jo mire ishtiyāq

    merī zabāñ se ho yahī iz.hār dekhnā

    har naqsh-e-pā pe taḌpe hai yaaro har ek dil

    Tuk vāste ḳhudā ke ye raftār dekhnā

    kartā to hai aan ke 'saudā' se iḳhtilāt

    koī lahr aa ga.ī to mire yaar dekhnā

    tujh bin ajab ma.āsh hai 'saudā' in dinoñ

    bhī Tuk us ko ke sitamgār dekhnā

    ne harf o ne hikāyat o ne sher o ne suḳhan

    ne sair-e-bāġh o ne gul-o-gulzār dekhnā

    ḳhāmosh apne kalba-e-ahzāñ meñ roz o shab

    tanhā paḌe hue dar-o-dīvār dekhnā

    ke us galī meñ jahāñ thā tirā guzar

    le sub.h tā-ba-shām ka.ī baar dekhnā

    taskīn-e-dil na is meñ bhī paa.ī to bahr-e-shaġhl

    paḌhnā ye sher gar kabhū ash.ār dekhnā

    kahte the ham na dekh sakeñ roz-e-hijr ko

    par jo ḳhudā dikhā.e so nā-chār dekhnā

    be-wajh nain hai aaina har bar dekhna

    koi dam ko phulta hai ye gulzar dekhna

    nargis ki tarah KHak meri ugen hain chashm

    Tuk aan ke ye hasrat-e-didar dekhna

    khinche to tegh hai haram-e-dil ke said par

    ai ishq par bhala tu mujhe mar dekhna

    hai naqs-e-jaan did tera par yahi hai dhun

    ji jao yar ho mujhe yak-bar dekhna

    ai tifl-e-ashk hai falak-e-haftamin pa arsh

    aage qadam na rakhiyo tu zinhaar dekhna

    puchhe KHuda sabab jo mere ishtiyaq ka

    meri zaban se ho yahi izhaar dekhna

    har naqsh-e-pa pe taDpe hai yaro har ek dil

    Tuk waste KHuda ke ye raftar dekhna

    karta to hai tu aan ke 'sauda' se iKHtilat

    koi lahr aa gai to mere yar dekhna

    tujh bin ajab maash hai 'sauda' ka in dinon

    tu bhi Tuk us ko ja ke sitamgar dekhna

    ne harf o ne hikayat o ne sher o ne suKHan

    ne sair-e-bagh o ne gul-o-gulzar dekhna

    KHamosh apne kalba-e-ahzan mein roz o shab

    tanha paDe hue dar-o-diwar dekhna

    ya ja ke us gali mein jahan tha tera guzar

    le subh ta-ba-sham kai bar dekhna

    taskin-e-dil na is mein bhi pai to bahr-e-shaghl

    paDhna ye sher gar kabhu ashaar dekhna

    kahte the hum na dekh saken roz-e-hijr ko

    par jo KHuda dikhae so na-chaar dekhna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY