aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

چل دیا وہ اس طرح مجھ کو پریشاں چھوڑ کر

زاہد چوہدری

چل دیا وہ اس طرح مجھ کو پریشاں چھوڑ کر

زاہد چوہدری

MORE BYزاہد چوہدری

    چل دیا وہ اس طرح مجھ کو پریشاں چھوڑ کر

    موسم گل جیسے جائے ہے گلستاں چھوڑ کر

    گو بھروسا ہے مجھے اپنے خلوص شوق پر

    کون آئے گا یہاں جشن بہاراں چھوڑ کر

    وہ جو اپنے ساتھ لایا تھا گلستاں کی بہار

    جا رہا ہے اب کہاں وہ گھر کو ویراں چھوڑ کر

    یوں لگا مجھ کو کہ گویا حشر برپا ہو گیا

    یک بیک وہ چل دیا میرا شبستاں چھوڑ کر

    مجھ کو شوق حسن میں تہذیب حاضر چاہئے

    گلستاں میں آ گیا ہوں میں بیاباں چھوڑ کر

    لالہ و گل میں عیاں ہیں حسن فطرت کے رموز

    مطمئن ہوں عشق میں دشت و بیاباں چھوڑ کر

    یوں سر محفل وقار حسن کو رسوا نہ کر

    اس کا دامن تھام لے اپنا گریباں چھوڑ کر

    جی رہا ہوں رشک کے ماحول میں کچھ اس طرح

    جس طرح یوسف گیا تھا ارض کنعاں چھوڑ کر

    میں نے خود اس کے تصور کو بلایا ہے یہاں

    اب نہیں جاؤں گا باہر گھر میں مہماں چھوڑ کر

    ہو گیا پیدا نظام گل میں بے حد انتشار

    جب گیا گلشن میں وہ زلفیں پریشاں چھوڑ کر

    سوزش الفت مجھے مطلوب ہے بہر حیات

    ہو گیا ہوں مطمئن میں رسم درماں چھوڑ کر

    کس قدر ضبط جنوں نے کر دیا ہے ہوشیار

    دامن امید تھاما ہے گریباں چھوڑ کر

    میں تلاش حسن سے ایسا ہوا ہوں منسلک

    جا رہا ہوں زندگی کا ساز و ساماں چھوڑ کر

    مأخذ:

    Junun-e-Shauq (Pg. 212)

      • اشاعت: 1999
      • ناشر: مصطفی وحید
      • سن اشاعت: 1999

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے