چلے جاتے ہیں سب اندھے نہ جانے ہے نظر کس کو

چلے جاتے ہیں سب اندھے نہ جانے ہے نظر کس کو

کہاں پر ہے مقام زیست جانے ہے خبر کس کو

پرکھ اہل نظر کی ہو جگت میں وہ نظر کس کو

ثمر کے ہیں سبھی عاشق نظر آتا شجر کس کو

ہمیں خود کی ضرورت بھی نہیں کچھ خاص اب رہتی

غرض تجھ سے بھی اب ہوگی زمانہ یہ خبر کس کو

یہ مرضی زندگی کی ہے بشر بیچارہ ہے بے بس

کرم کی ہو نظر کس پر کرے گی در گزر کس کو

مسافر تو یوں کہنے کو ہزاروں رہگزر میں ہیں

مگر پوچھو تو اب روہتؔ سفر کا ہے ہنر کس کو