چمن ملیں بھی تو صحرا شمار ہوتے ہیں

چمن ملیں بھی تو صحرا شمار ہوتے ہیں

یہ حادثات یہاں بار بار ہوتے ہیں

وہ جتنی دیر میں کشتی قریب لاتے ہیں

ہم اتنی دیر میں دریا کے پار ہوتے ہیں

ہمارے ساتھ محبت نہ کر دلاسہ دے

ہم ایسے لوگ غریب الدیار ہوتے ہیں

وصال و ہجر کو یکجا کریں گے ہم کیسے

یہ دو کنارے کہاں ہم کنار ہوتے ہیں

نہ آپ حوصلہ دیتے ہیں رونے والوں کو

نہ آپ شامل چیخ و پکار ہوتے ہیں

ہم اپنے درد تو تحریر کر نہیں سکتے

تمہارے ذکر سے بس اشک بار ہوتے ہیں