dastan-e-zindagi likhte magar rahne diya

Azra Naqvi

dastan-e-zindagi likhte magar rahne diya

Azra Naqvi

MORE BYAzra Naqvi

    dāstān-e-zindagī likhte magar rahne diyā

    us ke har kirdār ko bas mo'atabar rahne diyā

    koī manzil koī mafrūza na thā pesh-e-nazar

    zer-e-pā ik rah-guzar thī rahguzar rahne diyā

    dil ke har mausam ne baḳhshī daulat-e-ehsās-o-dard

    sirf is sarmā.e ko zād-e-safar rahne diyā

    saath ik ḳhush-bāsh lahja mahfiloñ meñ le ke aa.e

    dil vīrānī ko tanhā apne ghar rahne diyā

    shor kartī bhāgtī duniyā meñ shāmil bhī rahe

    ek sur maddham dil ke saaz par rahne diyā

    vaqt ke bahte hue dariyā pe kashtī Daal kar

    saare andeshoñ se ḳhud ko be-ḳhabar rahne diyā

    ḳhud-ġharaz thoḌā honā bhī zarūrī thā magar

    tajraboñ se siikh kar bhī ye hunar rahne diyā

    saarī duniyā ke liye har shab duā-e-ḳhair

    zikr apnī ḳhvāhishoñ muḳhtasar rahne diyā

    kyuuñ koī dekhe hamāre dil saarī mumlikat

    ik jhalak dikhlā.ī hai aur beshtar rahne diyā

    kaun dāman-gīr hai aksar ye kartā hai savāl

    kar to saktīñ thiiñ bahut kuchh tum magar rahne diyā

    dastan-e-zindagi likhte magar rahne diya

    us ke har kirdar ko bas mo'atabar rahne diya

    koi manzil koi mafruza na tha pesh-e-nazar

    zer-e-pa ek rah-guzar thi rahguzar rahne diya

    dil ke har mausam ne baKHshi daulat-e-ehsas-o-dard

    sirf is sarmae ko zad-e-safar rahne diya

    sath ek KHush-bash lahja mahfilon mein le ke aae

    dil ki virani ko tanha apne ghar rahne diya

    shor karti bhagti duniya mein shamil bhi rahe

    ek sur maddham sa dil ke saz par rahne diya

    waqt ke bahte hue dariya pe kashti Dal kar

    sare andeshon se KHud ko be-KHabar rahne diya

    KHud-gharaz thoDa sa hona bhi zaruri tha magar

    tajrabon se sikh kar bhi ye hunar rahne diya

    sari duniya ke liye har shab dua-e-KHair ki

    zikr apni KHwahishon ka muKHtasar rahne diya

    kyun koi dekhe hamare dil ki sari mumlikat

    ek jhalak dikhlai hai aur beshtar rahne diya

    kaun daman-gir hai aksar ye karta hai sawal

    kar to saktin thin bahut kuchh tum magar rahne diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY