dair-o-haram mein dasht-o-bayaban-o-bagh mein

Ibraheem Hosh

dair-o-haram mein dasht-o-bayaban-o-bagh mein

Ibraheem Hosh

MORE BYIbraheem Hosh

    dair-o-haram meñ dasht-o-bayābān-o-bāġh meñ

    DhūñDo na mujh ko maiñ huuñ ḳhud apne surāġh meñ

    haañ ai asīro ḳhair se ho kis surāġh meñ

    khilte haiñ ab to phuul havā-bast baaġh meñ

    is barf-zār meñ bhī jalātī jaatī hai

    vo ik shabīh jo hai nihāñ dil ke daaġh meñ

    rahtā hai ab zamīn pe vo āsmāñ-pasand

    haañ vo ḳhajil thā jis se ḳhudā bhī dimāġh meñ

    mumkin nahīñ ki ġhaar meñ dil ke utar sake

    māñge raushnī hai tumhāre charāġh meñ

    kyā qadr vo kareñge kisī ḳhush-navā 'hosh'

    tafrīq kar sakeñ jo na qumrī-o-zāġh meñ

    dair-o-haram mein dasht-o-bayaban-o-bagh mein

    DhunDo na mujh ko main hun KHud apne suragh mein

    han ai asiro KHair se ho kis suragh mein

    khilte hain ab to phul hawa-bast bagh mein

    is barf-zar mein bhi jalati hi jati hai

    wo ek shabih jo hai nihan dil ke dagh mein

    rahta hai ab zamin pe wo aasman-pasand

    han wo KHajil tha jis se KHuda bhi dimagh mein

    mumkin nahin ki ghaar mein dil ke utar sake

    mange ki raushni hai tumhaare charagh mein

    kya qadr wo karenge kisi KHush-nawa ki 'hosh'

    tafriq kar saken jo na qumri-o-zagh mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY