درخت شام کے سائے سمٹنے لگ گئے ہیں

درخت شام کے سائے سمٹنے لگ گئے ہیں

مسافروں کے قدم پھر پلٹنے لگ گئے ہیں

یہ دفعتاً ہمیں کس کا خیال آیا ہے

جو اپنے آپ ہی سے ہم لپٹنے لگ گئے ہیں

کبھی یہ لوگ مہاجر تھے اس قبیلہ کے

جو آج اپنے قبیلوں میں بٹنے لگ گئے ہیں

نہ تھی امید کسی رابطے کی جن سے کوئی

ہمارے رابطے ان سے بھی کٹنے لگ گئے ہیں

مجھے یقیں ہے کوئی چاند آنے والا ہے

ستارہ آپ ہی رستے سے ہٹنے لگ گئے ہیں

پگھل گیا ہے کسی غم کی دھوپ کا ٹکڑا

یہ میری آنکھوں سے جو ابر چھٹنے لگ گئے ہیں