درد دل درد جگر اچھا لگا
درد دل درد جگر اچھا لگا
لمس دست چارہ گر اچھا لگا
درد اٹھا جھوم کر اچھا لگا
تیرا شانہ میرا سر اچھا لگا
جس کے سائے میں ملا کرتے تھے ہم
باغ میں تنہا شجر اچھا لگا
تیری خلوت تیری محفل خوب ہے
تیرا کوچہ تیرا گھر اچھا لگا
مسکرا کے دل لیا پھر کھو گئے
آپ کا یہ بھی ہنر اچھا لگا
ڈر کے میرے سینے سے لگنا ترا
موسم برق و شرر اچھا لگا
تلخیوں سے انسیت ہونے لگی
ساقیا مے کا اثر اچھا لگا
میں تھا وہ تھے اور تھی رعنائیاں
غالباً تابشؔ سفر اچھا لگا
مأخذ:
جو تم نہیں (Pg. 152)
- مصنف: تابش دھرم کوٹی
-
- ناشر: راجیو ٹھاکر
- سن اشاعت: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
