درد حد سے جو گزر جائے چھلک جاؤں گا

درد حد سے جو گزر جائے چھلک جاؤں گا

اشک بن کر تری آنکھوں سے ٹپک جاؤں گا

مری آنکھوں میں تو رہتے ہیں شرارے پھر بھی

بن کے انگارہ کسی روز دہک جاؤں گا

پیار سے زہر بھی مل جائے تو پی لوں ہنس کر

پھول نفرت سے ملیں گے تو سنک جاؤں گا

وہ بلندی ہی کیا جو آنکھ سے اوجھل کر دے

اتنی اونچائی پہ پہنچوں تو بھٹک جاؤں گا

جو مرے دل کے اندھیروں کو نگل بھی نہ سکے

ان چراغوں کے اجالوں سے کھسک جاؤں گا

یہ تمنا میں شب و روز لیے پھرتا ہوں

کاش تو مجھ کو جو چھو لے تو مہک جاؤں گا

ماند پڑ جائے گی عرفانؔ تجلی سب کی

بن کے سورج جو زمانے میں دمک جاؤں گا