دیوار خواب میں کوئی در کر نہیں سکے

دیوار خواب میں کوئی در کر نہیں سکے

ہم لوگ شب سے آگے سفر کر نہیں سکے

اک شام کے چلے ہوئے پہنچے میان شب

بھٹکے کچھ اس طرح کہ سحر کر نہیں سکے

شاید ابھی رہائی نہیں چاہتے تھے ہم

سو اس کو اپنی کوئی خبر کر نہیں سکے

ہم کار زندگی کی طرح کار عاشقی

کرنا تو چاہتے تھے مگر کر نہیں سکے

آنکھوں پہ کس کے خواب کا پردہ پڑا رہا

ہم چاہ کر بھی خود پہ نظر کر نہیں سکے

تم سے بھی پہلے کتنوں نے کھائی یہاں شکست

دنیا کو فتح تم بھی اگر کر نہیں سکے