dil to pazhmurda hai dagh-e-gulsitan hon to kya

Muneer Shikohabadi

dil to pazhmurda hai dagh-e-gulsitan hon to kya

Muneer Shikohabadi

MORE BYMuneer Shikohabadi

    dil to pazhmurda hai dāġh-e-gulsitāñ hoñ to kyā

    āñkheñ rotī haiñ dahān-e-zaḳhm ḳhandāñ hoñ to kyā

    dāġh-e-ġham dil par uThā kar marne vaale mar ga.e

    burj qabroñ ke agar sarv-e-charāġhāñ hoñ to kyā

    begameñ shahzādiyāñ phirne lagīñ ḳhāna-ḳharāb

    ab chuḌeleñ sāhibān-e-qasr-o-dīvāñ hoñ to kyā

    farsh-e-ḳhāk ab ahl-e-masnad ko nahīñ hotā nasīb

    boriyā-bāf aaj zeb-e-taḳht-e-sultāñ hoñ to kyā

    masjideñ TuuTī paḌī haiñ saume.e vīrān haiñ

    yād-e-haq meñ ek do dil-hā-e-sozāñ hoñ to kyā

    sūfiyān-sāf-tīnat vāsil-e-haq ho ga.e

    ḳhud-numā do chaar nañg-e-ahl-e-irfāñ hoñ to kyā

    bujh ga.iiñ sham.eñ jaleñ parvāne to kyā fā.eda

    uḌ ga.e parvāne sham.eñ nūr-afshāñ huuñ to kyā

    saḳht-jān o be-hayā do chaar ham se jo rahe

    har ghaḌī pāband-e-ḳhauf-e-izzat-o-jāñ hoñ to kyā

    karbalā meñ najaf meñ chal ke mar jaa.eñ 'munīr'

    hind meñ ham pahlū-e-gor-e-ġharībāñ hoñ to kyā

    dil to pazhmurda hai dagh-e-gulsitan hon to kya

    aankhen roti hain dahan-e-zaKHm KHandan hon to kya

    dagh-e-gham dil par uTha kar marne wale mar gae

    burj qabron ke agar sarw-e-charaghan hon to kya

    begamen shahzadiyan phirne lagin KHana-KHarab

    ab chuDelen sahiban-e-qasr-o-diwan hon to kya

    farsh-e-KHak ab ahl-e-masnad ko nahin hota nasib

    boriya-baf aaj zeb-e-taKHt-e-sultan hon to kya

    masjiden TuTi paDi hain saumee viran hain

    yaad-e-haq mein ek do dil-ha-e-sozan hon to kya

    sufiyan-saf-tinat wasil-e-haq ho gae

    KHud-numa do chaar nang-e-ahl-e-irfan hon to kya

    bujh gain shamen jalen parwane to kya faeda

    uD gae parwane shamen nur-afshan hun to kya

    saKHt-jaan o be-haya do chaar hum se jo rahe

    har ghaDi paband-e-KHauf-e-izzat-o-jaan hon to kya

    karbala mein ya najaf mein chal ke mar jaen 'munir'

    hind mein hum pahlu-e-gor-e-ghariban hon to kya

    Source:

    • Book : intekhab-e-zarrin (Pg. 141)
    • Author : Khvaja Mohammad Zakariya
    • Publication : Sangeet publication (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY