دلوں کی صدا کا ترانہ وہ کیا تھا

دلوں کی صدا کا ترانہ وہ کیا تھا

صنم عاشقی کا زمانہ وہ کیا تھا

مزہ مے کشی کا رہا ہی کہاں اب

نگاہوں سے پیالے پلانا وہ کیا تھا

مکمل نہیں جو ہوا آج تک ہی

صنم عاشقی کا فسانہ وہ کیا تھا

ستم سب زمانے کے ہم بھول بیٹھے

ترا بس گلے سے لگانا وہ کیا تھا

صنم راز سارے کھلے زندگی کے

ترا رخ سے پردا اٹھانا وہ کیا تھا

صنم آج بھی ہے سدا دل میں قائم

محبت سے مجھ کو بلانا وہ کیا تھا

ملا جس سفر پہ تمہیں جاناں راہیؔ

اگر یاد ہو کہ ٹھکانا وہ کیا تھا