دوش صبا پہ کیا کوئی پیغام آ گیا

دوش صبا پہ کیا کوئی پیغام آ گیا

کیا ماہتاب آج سر شام آ گیا

ہر شاخ گل لچکتی ہے گلشن کی آج کل

ہر پھول کی زباں پہ ترا نام آ گیا

کھلتے رہے ہیں پھول ہر اک شاخ گل کے آج

شاید چمن میں آج وہ گلفام آ گیا

کیسی مہک ہے آج ہر اک سو بسی ہوئی

کیا باغباں وہ آج سر عام آ گیا

کیسے چھپاتے عکس جو آنکھوں میں تھا ترا

سر کو جھکائے رکھنا مرے کام آ گیا

جس سے بسا ہوا ہے مرا گلشن حیات

دو گام جی چلا تھا کہ ناکام آ گیا

اٹکھیلیاں ہے کرتی گلستاں میں کیوں صبا

اس کی اسی ادا پہ ہی الزام آ گیا