دکھوں کا دشت آنکھوں کا سمندر چھوڑ آیا ہوں

دکھوں کا دشت آنکھوں کا سمندر چھوڑ آیا ہوں

جو گھر میں لا نہ سکتہ تھا وہ باہر چھوڑ آیا ہوں

تم اگلی بارشوں کے بعد جاکر دیکھنا پیارے

تمہارا نام دیواروں پہ لکھ کر چھوڑ آیا ہوں

محبت کی ہے اس گھر میں رہائش تو نہیں کی ہے

ابھی تو صرف دروازے پہ بستر چھوڑ آیا ہوں

تری بانہوں میں آ کر بھی یہی محسوس ہوتا ہے

کہ خود کو وقت کے رحم و کرم پر چھوڑ آیا ہوں

ابھی کچھ دیر میں پھیلے گی خوشبو ساری بستی میں

وہاں کے اک دریچے میں گل تر چھوڑ آیہ ہوں

خدا نخواستہ میں بھی اگر بنباس لوں تابشؔ

وہاں کس کو بتاؤں گا بھرا گھر چھوڑ آیہ ہوں