دور نظروں سے کیا ہوا کوئی
دور نظروں سے کیا ہوا کوئی
پاس کچھ اور آ گیا کوئی
درد میرا نہ بانٹتا بے شک
حال تو دل کا پوچھتا کوئی
دور کر دے جو تیرگی دل کی
دیپ ایسا بھی تو جلا کوئی
یوں گزرتا ہے ایک اک لمحہ
زندگی جیسے ہو سزا کوئی
جن کو ملنا تھا اس کو ملنے سے
روک پایا نہ فاصلہ کوئی
رہزنوں سے کرے نہ سمجھوتہ
اب ہے ایسا بھی رہنما کوئی
جز اجل کے جہاں میں اب شاید
میرے غم کی نہیں دوا کوئی
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
