گئی رتوں کے ہمارے ذمہ یہ کیسے کیسے حساب نکلے

گئی رتوں کے ہمارے ذمہ یہ کیسے کیسے حساب نکلے

شجر وفاؤں کے ہم نے بوئے کدورتوں کے عذاب نکلے

یہ کیسی صحرا سی زندگی ہے یہ پیاس کیسی ہے چاہتوں کی

پلٹ کے دیکھا تو ہر قدم پر محبتوں کے سراب نکلے

بس اک نظر میں متاع ہستی میں اس کے قدموں پہ وار دوں گی

کبھی شب غم کی خامشی میں اگر مرا ماہتاب نکلے

سنی تھیں چہروں کی داستانیں مگر نقابوں کی زد میں دیکھا

کسی کا مفہوم پڑھ سکوں میں کوئی تو چہرہ کتاب نکلے

نسیمؔ سچ ہے یہ زندگی تو طویل کانٹوں کی رہگزر ہے

رضاؔ کا پیکر بنوں خدایا جو زندگی کا جواب نکلے