ghar se daftar aur phir daftar se ghar karti hui

ghar se daftar aur phir daftar se ghar kartī huī

chal rahī hai rail paTrī par safar kartī huī

ye jo mere āsmāñ par chhā.ī kaalī raat hai

ye mujhe lagtī nahīñ hargiz sahar kartī huī

har qadam par maiñ laraztā kāñptā dam toḌtā

'umr saare kaam be-ḳhauf-o-ḳhatar kartī huī

jī rahā huuñ be-ḳhabar behosh gird-o-pesh se

jis tarah ik bheḌ revaḌ meñ safar kartī huī

shā'irī hai TuuTe shīshe kaale kāġhaz kā adab

be-hisī kī soch qissa muḳhtasar kartī huī

tez bārish meñ umañDte bādaloñ kī ghan-garaj

vādiyoñ meñ tairtī jhīloñ ko tar kartī huī

mere aage kyoñ kisī kā jal nahīñ saktā charāġh

kyoñ havā chaltī nahīñ mujh par asar kartī huī

zindagī piirī faqīrī shā'irī sūrat-garī

zindagī ik vaishyā bhī raat bhar kartī huī

maiñ kahāñ paatā surāġh-e-'aish-o-āsā.ish 'nishāt'

mere aage merī bastī thī basar kartī huī

ghar se daftar aur phir daftar se ghar karti hui

chal rahi hai rail paTri par safar karti hui

ye jo mere aasman par chhai kali raat hai

ye mujhe lagti nahin hargiz sahar karti hui

har qadam par main larazta kanpta dam toDta

'umr sare kaam be-KHauf-o-KHatar karti hui

ji raha hun be-KHabar behosh gird-o-pesh se

jis tarah ek bheD rewaD mein safar karti hui

sha'iri hai TuTe shishe kale kaghaz ka adab

be-hisi ki soch qissa muKHtasar karti hui

tez barish mein umanDte baadalon ki ghan-garaj

wadiyon mein tairti jhilon ko tar karti hui

mere aage kyon kisi ka jal nahin sakta charagh

kyon hawa chalti nahin mujh par asar karti hui

zindagi piri faqiri sha'iri surat-gari

zindagi ek waishya bhi raat bhar karti hui

main kahan pata suragh-e-'aish-o-asaish 'nishat'

mere aage meri basti thi basar karti hui