ہم آپ ہی کو اپنا مقصود جانتے ہیں

میر تقی میر

ہم آپ ہی کو اپنا مقصود جانتے ہیں

میر تقی میر

MORE BYمیر تقی میر

    ہم آپ ہی کو اپنا مقصود جانتے ہیں

    اپنے سوائے کس کو موجود جانتے ہیں

    عجز و نیاز اپنا اپنی طرف ہے سارا

    اس مشت خاک کو ہم مسجود جانتے ہیں

    صورت پذیر ہم بن ہرگز نہیں وے مانے

    اہل نظر ہمیں کو معبود جانتے ہیں

    عشق ان کی عقل کو ہے جو ماسوا ہمارے

    ناچیز جانتے ہیں نا بود جانتے ہیں

    اپنی ہی سیر کرنے ہم جلوہ گر ہوئے تھے

    اس رمز کو ولیکن معدود جانتے ہیں

    یا رب کسے ہے ناقہ ہر غنچہ اس چمن کا

    راہ وفا کو ہم تو مسدود جانتے ہیں

    یہ ظلم بے نہایت دشوار تر کہ خوباں

    بد وضعیوں کو اپنی محمود جانتے ہیں

    کیا جانے داب صحبت از خویش رفتگاں کا

    مجلس میں شیخ صاحب کچھ کود جانتے ہیں

    مر کر بھی ہاتھ آوے تو میرؔ مفت ہے وہ

    جی کے زیان کو بھی ہم سود جانتے ہیں

    RECITATIONS

    احمد محفوظ

    احمد محفوظ

    احمد محفوظ

    ہم آپ ہی کو اپنا مقصود جانتے ہیں احمد محفوظ

    موضوعات :

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY