ہم سے بھاگا نہ کرو دور غزالوں کی طرح

جاں نثاراختر

ہم سے بھاگا نہ کرو دور غزالوں کی طرح

جاں نثاراختر

MORE BYجاں نثاراختر

    ہم سے بھاگا نہ کرو دور غزالوں کی طرح

    ہم نے چاہا ہے تمہیں چاہنے والوں کی طرح

    خودبخود نیند سی آنکھوں میں گھلی جاتی ہے

    مہکی مہکی ہے شب غم ترے بالوں کی طرح

    تیرے بن رات کے ہاتھوں پہ یہ تاروں کے ایاغ

    خوبصورت ہیں مگر زہر کے پیالوں کی طرح

    اور کیا اس سے زیادہ کوئی نرمی برتوں

    دل کے زخموں کو چھوا ہے ترے گالوں کی طرح

    گنگناتے ہوئے اور آ کبھی ان سینوں میں

    تیری خاطر جو مہکتے ہیں شوالوں کی طرح

    تیری زلفیں تری آنکھیں ترے ابرو ترے لب

    اب بھی مشہور ہیں دنیا میں مثالوں کی طرح

    ہم سے مایوس نہ ہو اے شب دوراں کہ ابھی

    دل میں کچھ درد چمکتے ہیں اجالوں کی طرح

    مجھ سے نظریں تو ملاؤ کہ ہزاروں چہرے

    میری آنکھوں میں سلگتے ہیں سوالوں کی طرح

    اور تو مجھ کو ملا کیا مری محنت کا صلہ

    چند سکے ہیں مرے ہاتھ میں چھالوں کی طرح

    جستجو نے کسی منزل پہ ٹھہرنے نہ دیا

    ہم بھٹکتے رہے آوارہ خیالوں کی طرح

    زندگی جس کو ترا پیار ملا وہ جانے

    ہم تو ناکام رہے چاہنے والوں کی طرح

    ویڈیو
    This video is playing from YouTube

    Videos
    This video is playing from YouTube

    غلام عباس

    غلام عباس

    RECITATIONS

    نعمان شوق

    نعمان شوق

    نعمان شوق

    ہم سے بھاگا نہ کرو دور غزالوں کی طرح نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY