ہمارا پیار دکھاوے کا پیار تھوڑی ہے

ہمارا پیار دکھاوے کا پیار تھوڑی ہے

خلوص دل ہے کوئی اشتہار تھوڑی ہے

یہ بادشاہوں سا لہجہ بدل مرے بھائی

کہ اب یہاں پہ ترا اقتدار تھوڑی ہے

غریب شہر تونگر سے کہہ رہا تھا کہ تو

امیر شہر ہے پروردگار تھوڑی ہے

مرے پھٹے ہوئے دامن پہ ہنسنے والے سن

یہ تار تار سہی داغدار تھوڑی ہے

یزیدیت میں ندامت ہے فتح پا کر بھی

حسینیت کی شہادت میں بار تھوڑی ہے

ہزار جان لٹاؤں وطن پہ میں ساجدؔ

وفا شعاروں میں میرا شمار تھوڑی ہے