ہر کوئی ہے مداری اور اپنے مدار کا

ہر کوئی ہے مداری اور اپنے مدار کا

حتٰی کہ رقص دیکھیے لیل و نہار کا

اس وجہ سے زمین پہ گڑھتی ہے میری آنکھ

گڑ جائے کوئی کانٹا نہ مژگان یار کا

پہلے سے ہے ہی ہاتھ میں تسبیح کی لڑی

کرتا ہوں کیا میں دیکھیے بانہوں کے ہار کا

رکتا ہوں اس لئے کہ مرے رفتگاں رکے

رستہ ہے ورنہ سامنے میرے فرار کا

اس بار ایک دو نہیں سارے گناہ گار

اس بار کیا اپائے ہے کشتی کے بھار کا

ایسا نہ ہو کہ رند یہ کہہ کر چھڑائیں جان

دہقاں کی تھی شراب پیالہ کمہار کا

اس کو اڑا لیا ہے کوئی اور جوہری

مہنگا پڑا ہے آج کا سونا سنار کا

سامان خوب ہو تو جگہ سے ہے کیا غرض

بکتا ہے کانپور میں چمڑا بہار کا