ہوا کا رنگ سر رہ گزار ایسا ہوا

ہوا کا رنگ سر رہ گزار ایسا ہوا

کہ میری خاک سے پیدا غبار ایسا ہوا

بس ایک روز کھلی مجھ پہ میری بے کاری

اور اس کے بعد میں مصروف کار ایسا ہوا

پھر اس کے بعد کچھ اپنا سراغ مل نہ سکا

میں اپنی قید سے اک دن فرار ایسا ہوا

میں دشت ہجر کو تو بے کنار سمجھا تھا

مگر یہ دشت بھی اک روز پار ایسا ہوا

خفا خفا سے تھے اس شہر کے در و دیوار

میں ایک عمر میں لوٹا تو یار ایسا ہوا

میں اپنی فتح کے آثار دیکھ کر خوش تھا

مگر قریب سے پھر ایک وار ایسا ہوا