حساب بیش و کم سیدھا بہت ہے
حساب بیش و کم سیدھا بہت ہے
یہاں ہنسنا ہے کم رونا بہت ہے
جھلکتا ہے تری ہر بات سے سچ
ترا لہجہ ابھی کچا بہت ہے
درختوں کی طرف مڑ کر نہ دیکھو
ابھی تو دھوپ میں چلنا بہت ہے
کسی کو دشت میں شہرت ملی تھی
ہمارا شہر میں چرچا بہت ہے
کوئی ہنس کر ملے دو بات کر لے
ہمارے دور میں اتنا بہت ہے
مأخذ:
ودربھ میں جدید اردو شاعری: ایک مطالعہ (Pg. 24)
-
- ناشر: محمد اظہر حیات
- سن اشاعت: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.