ہو جاتے ہیں جب اپنے مریضوں سے خفا اور
ہو جاتے ہیں جب اپنے مریضوں سے خفا اور
کرتے ہیں وہ ایجاد ستم اور جفا اور
اے ظلم سراپا کبھی اس پر بھی نظر کر
کیا میرا خدا اور ہے تیرا ہے خدا اور
مشکل ہے بتانا کہ ہے کیا فرق مگر ہے
لیلیٰ کی ادا اور ہے مجنوں کی ادا اور
تسلیم کہ دنیا ہی میں ہے جیل بھی لیکن
اندر کی فضا اور ہے باہر کی فضا اور
کہتا ہے یہ قیدی کہ ہوا ایک نہیں ہے
باہر کی ہوا اور ہے اندر کی ہوا اور
مومن کے لئے جیل ہے دنیائے دنی بھی
دنیا کی فضا اور ہے عقبیٰ کی فضا اور
بیمار مسرت کی دوا عیش کی لذت
بیمار محبت کا مرض اور دوا اور
اللہ کرے تجھ کو ترے نور سے آگاہ
محفل کا دیا اور ترے دل کا دیا اور
انجام محبت سے عروج اپنے ہے واقف
تا زیست ہے قسمت میں جفا اور بلا اور
مأخذ:
تحفۂ زنداں (Pg. 25)
- مصنف: عروج قادری
-
- ناشر: مرکزی مکتبہ اسلامی پبلشرز، نئی دہلی
- سن اشاعت: 1978
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
