اک اندھیرا سا تھا جس کو روشنی سمجھے تھے ہم

اک اندھیرا سا تھا جس کو روشنی سمجھے تھے ہم

اپنی اس آوارگی کو زندگی سمجھے تھے ہم

وہ شجر اندر سے اک چٹان کی مانند تھا

بھول سے بنیاد جس کی کھوکھلی سمجھے تھے ہم

غور سے دیکھا نظر آئیں کئی نزدیکیاں

دور سے جس راستے کو اجنبی سمجھے تھے ہم

وہ پہاڑوں پر پگھلتی برف کا منظر تھا کوئی

رات کے سایہ میں جس کو چاندنی سمجھے تھے ہم

ڈھونڈھنے نکلے تو پھر ہم ڈھونڈھتے ہی رہ گئے

زندگی تجھ کو تو اپنے پاس ہی سمجھے تھے ہم