جان قربان کون کرتا ہے
اپنا نقصان کون کرتا ہے
سب تری زلف کے حصار میں ہیں
پر یہ اعلان کون کرتا ہے
تیری قربت کسے عزیز نہیں
دل کو ویران کون کرتا ہے
لوگ تو مشکلوں میں ڈالتے ہیں
مشکل آسان کون کرتا ہے
تم تغافل اگر نہیں کرتے
تو مری جان کون کرتا ہے
بت پرستی تو ہم بھی کرتے ہیں
ترک ایمان کون کرتا ہے
اپنی اپنی ضرورتیں ہیں قیسؔ
ورنہ احسان کون کرتا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.