جانے کیا سوچ کے گھر تک پہنچا
میں کہ معراج ہنر تک پہنچا
اپنے کشکول میں حسرت لے کر
اک گداگر ترے در تک پہنچا
درد اٹھا تھا مرے پہلو میں
آخر کار جگر تک پہنچا
اک تباہی مرے دل پر اتری
اک تماشا مرے گھر تک پہنچا
اک دعا میرے لبوں تک آئی
اک اثر اس کی نظر تک پہنچا
جتنی آہیں مرے دل سے نکلیں
یا خدا ان کو اثر تک پہنچا
شاخ سے ٹوٹا ہوا پتا ہوں
تو مجھے میرے شجر تک پہنچا
ہم ستاروں کی خبر لائیں گے
یہ خبر اہل خبر تک پہنچا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
