جب سے کسی کے پاؤں کی ثانیؔ ہوا ہوں دھول

جب سے کسی کے پاؤں کی ثانیؔ ہوا ہوں دھول

ہر شخص مسکرا کے مجھے کرتا ہے قبول

ہو سب کی کھیتیوں کی حفاظت مرے خدا

پھولوں کی باڑیوں میں کوئی بو گیا ببول

اس در کے واسطے نہ کوئی پھول توڑنا

اس کو قبول ہیں تو فقط آنسوؤں کے پھول

روتی ہوئی ان آنکھوں نے مجھ کو کیا نہال

اک لحظہ اپنے درد کو یکسر گیا میں بھول

دنیا ترا حساب نرالا ہے کیا کہیں

ہاتھ آئی ایک پائی نہ ڈوبا سب اپنا مول

ان جنگلوں میں کوئی نہیں گھر کو لوٹ آؤ

ثانیؔ تلاش حق میں بھٹکنا ہے یوں فضول