جب ترا حسن نظر یاد آیا
جب ترا حسن نظر یاد آیا
اپنا دل اپنا جگر یاد آیا
ایسا مدہوش کیا ساقی نے
دشت یاد آیا نہ گھر یاد آیا
تم بھلاتے تو ہو دیوانے کو
پھر بھی دیوانہ اگر یاد آیا
تیرے الطاف و کرم کے قرباں
تو مجھے شام و سحر یاد آیہ
سوئے مے خانہ چلا رند خراب
پھر کوئی مست نظر یاد آیا
جب ملا چاک گریباں کوئی
تیرے جلوؤں کا اثر یاد آیا
دیکھ کر شہر خموشاں اکثر
اپنی ہستی کا سفر یاد آیا
حال دل آپ نے پوچھا تو سہی
شکر ہے بندۂ در یاد آیا
دیکھ کر حسن جہاں اے صادقؔ
مجھ کو وہ آئنہ گر یاد آیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
