جدھر سے وہ گزرتا ہے ادھر سے

جدھر سے وہ گزرتا ہے ادھر سے

نظر ہٹتی نہیں ہے رہ گزر سے

وہ ایسا غم مجھے دے کر گیا ہے

نہیں بچتا کوئی جس کے اثر سے

نظر سے ہو گیا وہ شخص اوجھل

نکل آئی تھی جس کے پیچھے گھر سے

تقاضے گھر میں جب آئے نہیں تھے

قدم باہر نہیں نکلے تھے گھر سے

پرندوں نے مجھے اپنا لیا ہے

لپٹ کر روئی تھی میں اک شجر سے

وہ جب تک لوٹ کر واپس نہ آئے

سڑک ہٹتی نہیں میری نظر سے

وہ خود آیا تھا میری دسترس میں

اسے پایا نہیں کھونے کے ڈر سے