jis ko paDi ho apne gareban ke tar ki

jis ko paḌī ho apne garebāñ ke taar kī

ro.e ḳhizāñ ko ḳhair manā.e bahār kī

me.arāj us ko kahiye hamāre ġhubār kī

varna ye ḳhaak aur havā kū-e-yār kī

pazhmurda phuul huuñ chaman-e-rozgār kā

tasvīr huuñ do-rañgī-e-lail-o-nahār kī

nīchī nigāh aaḌ meñ mizhgāñ kī al-amān

sayyād jaise ghaat meñ baiThe shikār kī

chīn-e-jabīn-e-yār kī chhuriyāñ vahīñ chalīñ

joñ hī taḌap baḌhī nigah-e-intizār kī

muñh faq hai is tarah mirī sub.h-e-firāq kā

jaise ho pahlī shaam ġharīb-ud-dayār kī

'betāb' ḳhatm kar ga.e ustād-e-nām-dār

jādū-nigāriyāñ qalam-e-sehr-kār kī

jis ko paDi ho apne gareban ke tar ki

roe KHizan ko KHair manae bahaar ki

mearaj us ko kahiye hamare ghubar ki

warna ye KHak aur hawa ku-e-yar ki

pazhmurda phul hun chaman-e-rozgar ka

taswir hun do-rangi-e-lail-o-nahaar ki

nichi nigah aaD mein mizhgan ki al-aman

sayyaad jaise ghat mein baiThe shikar ki

chin-e-jabin-e-yar ki chhuriyan wahin chalin

jon hi taDap baDhi nigah-e-intizar ki

munh faq hai is tarah meri subh-e-firaq ka

jaise ho pahli sham gharib-ud-dayar ki

'betab' KHatm kar gae ustad-e-nam-dar

jadu-nigariyan qalam-e-sehr-kar ki