jo guzri mujh pe mat us se kaho hua so hua

Sauda Mohammad Rafi

jo guzri mujh pe mat us se kaho hua so hua

Sauda Mohammad Rafi

MORE BY Sauda Mohammad Rafi

    jo guzrī mujh pe mat us se kaho huā so huā

    balā-kashān-e-mohabbat pe jo huā so huā

    mabādā ho koī zālim tirā garebāñ-gīr

    mire lahū ko dāman se dho huā so huā

    pahuñch chukā hai sar-e-zaḳhm dil talak yaaro

    koī subū koī marham rakho huā so huā

    kahe hai sun ke mirī sarguzisht vo be-rahm

    ye kaun zikr hai jaane bhī do huā so huā

    ḳhudā ke vāste aa darguzar gunah se mire

    na hogā phir kabhū ai tund-ḳhū huā so huā

    ye kaun haal hai ahvāl-e-dil pe ai āñkho

    na phuuT phuuT ke itnā baho huā so huā

    na kuchh zarar huā shamshīr na hāthoñ

    mire sar pe ai jallād jo huā so huā

    diyā use dil o diiñ ab ye jaan hai 'saudā'

    phir aage dekhiye jo ho so ho huā so huā

    jo guzri mujh pe mat us se kaho hua so hua

    bala-kashan-e-mohabbat pe jo hua so hua

    mabaada ho koi zalim tera gareban-gir

    mere lahu ko tu daman se dho hua so hua

    pahunch chuka hai sar-e-zaKHm dil talak yaro

    koi subu koi marham rakho hua so hua

    kahe hai sun ke meri sarguzisht wo be-rahm

    ye kaun zikr hai jaane bhi do hua so hua

    KHuda ke waste aa darguzar gunah se mere

    na hoga phir kabhu ai tund-KHu hua so hua

    ye kaun haal hai ahwal-e-dil pe ai aankho

    na phuT phuT ke itna baho hua so hua

    na kuchh zarar hua shamshir ka na hathon ka

    mere hi sar pe ai jallad jo hua so hua

    diya use dil o din ab ye jaan hai 'sauda'

    phir aage dekhiye jo ho so ho hua so hua

    Videos
    This video is playing from YouTube

    Videos
    This video is playing from YouTube

    Teena Sani

    Teena Sani

    Amanat Ali Khan

    Amanat Ali Khan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY