کہتا ہے کار عشق میں مر جانا چاہئے

کہتا ہے کار عشق میں مر جانا چاہئے

اس خوش گماں کو آپ سے ملوانا چاہئے

جھپکائے جو نہ آنکھ ریہرسل کے وقت بھی

ایسے تماشبین سے گھبرانا چاہئے

اپنے سیاہ بال دکھاؤں کہ سرخ گال

اتنا تو موت کو بھی نظر آنا چاہئے

وحشی کوئی ملے تو کروں اس سے مشورہ

صحرا میں کتنی زور سے چلانا چاہئے

خواہش تو ہے مگر نہیں طاقت گناہ کی

یعنی کہ وقت آ گیا پچھتانا چاہئے

کیوں دشت بار بار مجھے بھیجتے ہیں آپ

بازار نام کا کئی ویرانہ چاہئے