کیسے بھلا ملے گی اس عاجزی سے فرصت

کیسے بھلا ملے گی اس عاجزی سے فرصت

ملتی نہیں ہے تم کو جب عاشقی سے فرصت

غم پہلی دل لگی کا میں سہ رہا ہوں اب تک

رب جانے کب ملے گی اس آخری سے فرصت

اس شخص کو بھلانا آسان ہے بہت بس

لینی پڑے گی مجھ کو اس زندگی سے فرصت

خواہش میں تیرگی کی جو پھوڑ لی ہیں آنکھیں

اب مل گئی ہے ہم کو بھی روشنی سے فرصت

گھٹ گھٹ کے جی رہا ہوں ہر روز زندگی میں

یارب تو مجھ کو دے دے اب نوکری سے فرصت

تڑوا دئے تھے اس نے یہ ہاتھ پاؤں میرے

حسامؔ تب ملی تھی اس کی گلی سے فرصت