خامشی کو لب اظہار نہیں کر سکتے

خامشی کو لب اظہار نہیں کر سکتے

اپنے لہجے کو تو تلوار نہیں کر سکتے

آپ ہر پھول کو پابند قفس کر لیں گے

اس کی خوشبو کو گرفتار نہیں کر سکتے

ہم نے وہ کام کیے ہیں یہ ہمی جانتے ہیں

وہ جو اس دور کے فنکار نہیں کر سکتے

ان کی شہرت کے لیے اشک بہانے ہوں گے

غم کی تشہیر تو اخبار نہیں کر سکتے

ہم نے رہزن سے ہی منزل کا پتا پوچھا ہے

کام یہ قافلہ سالار نہیں کر سکتے

دیکھیے آپ نے چاہا ہے خدیجہؔ کو بہت

آپ اس بات سے انکار نہیں کر سکتے