کھڑکی سے ذرا جھانک لے اک بار میرے یار

کھڑکی سے ذرا جھانک لے اک بار میرے یار

ہے کون ترے در پہ طلب گار میرے یار

اک گیت سر شام لتا جی کی شرن میں

اور اس پہ ترے پاؤں کی جھنکار میرے یار

ہونٹوں سے گوارا نہیں آنکھوں سے لگا لے

ہے ذہنی کشاکش میں تیرا یار میرے یار

اک شام ذرا بھر کسی درویش کی جھولی

یہ بھی ہیں تری زلف کے حق دار میرے یار

ممکن نہیں بن جاؤں کسی در کا سوالی

رہتا ہے نجف میں مرا سردار میرے یار

سب لاش مری قبر میں رکھنے پہ تلے ہیں

بس ایک صدا تھی کہ میرے یار میرے یار

ملتی نہ ہو روٹی جسے دو وقت کی ساجدؔ

وہ کیسے کرے عشق پہ گفتار مرے یار