کوئی بلبل سے کہہ دے لالہ زاروں کا بھروسہ کیا
کوئی بلبل سے کہہ دے لالہ زاروں کا بھروسہ کیا
بہاریں آتی جاتی ہیں بہاروں کا بھروسہ کیا
تلاطم خیز طوفاں میں کناروں کا بھروسہ کیا
جو خود ہی ڈوب جائیں ان سہاروں کا بھروسہ کیا
کبھی دل چاہتا ہے کوئی غم کا رازداں ہوتا
مگر پھر سوچتا ہوں راز داروں کا بھروسہ کیا
ہجوم یاس دیوانہ بنا دیتا ہے انساں کو
ابھی ہنسنے لگیں گے غم کے ماروں کا بھروسہ کیا
کچھ ایسے موڑ بھی آتے ہیں راہیں کھو بھی جاتی ہیں
طلب کی منزلوں میں رہ گزاروں کا بھروسہ کیا
ابھی پیغام جینے کے ابھی سامان مرنے کا
نگاہ ناز کے مبہم اشاروں کا بھروسہ کیا
عقیلؔ اپنے ہی دل کی روشنی آئے تو کام آئے
شب تاریک میں ان چاند تاروں کا بھروسہ کیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
