کیا ہے علاج غم کہ جسے آزماؤں میں

کیا ہے علاج غم کہ جسے آزماؤں میں

لوگوں نے حل بتایا اسے بھول جاؤں میں

لیکن ہے دل کا حکم اسے بھولنا نہیں

یادوں کے ساتھ جینے کا فن سیکھ جاؤں میں

اس کی کسی بھی بات سے ملتی ہے کب خوشی

لہجہ ہے اتنا سخت کہ بس ٹوٹ جاؤں میں

بیزار اتنا کرنے لگی ہے یہ زندگی

اے موت تیرا در نہ کہیں کھٹکھٹاؤں میں

دہرے نقاب چہرے پہ رکھتا ہے یہ جہاں

کیسے اب اپنا حال دل اس کو سناؤں میں

تاریک شب غموں کی ہے چاہت کے سامنے

بہتر ہے اب چراغ تمنا بجھاؤں میں