کیا کریں جا کے گلستاں میں ہم
کیا کریں جا کے گلستاں میں ہم
ہیں بہ کنج قفس فغاں میں ہم
جانتے آپ سے جدا تجھ کو
کرتے گر فرق جسم و جاں میں ہم
ہیں تجلیٔ ذات کے تیری
ایک پردہ سا درمیاں میں ہم
گل کا یہ رنگ ہے تو اب اک دن
آگ رکھ دیں گے آشیاں میں ہم
واں تغافل نے اپنا کام کیا
یاں رہے مہر کے گماں میں ہم
آسماں کو نشانہ کرتے ہیں
تیر رکھتے ہیں جب کماں میں ہم
مر کے نکلے قفس سے خوب ہوا
تنگ آئے تھے اس مکاں میں ہم
گر یہی آہ ہے تو دیکھو گے
رخنے کر دیں گے آسماں میں ہم
شاخ گل کے گلے سے لگ لگ کر
روتے ہیں موسم خزاں میں ہم
باغ تک جاتے ہاں اگر پاتے
طاقت اس جسم ناتواں میں ہم
مصحفیؔ عشق کر کے آخر کار
خوب رسوا ہوئے جہاں میں ہم
مأخذ:
Kulliyat-e-MushafiáDeewan-e-Avvalâ (Pg. 332)
- مصنف: مصحفی غلام ہمدانی
-
- اشاعت: 1968
- ناشر: سید امتیاز علی تاج, مجلس ترقی ادب، لاہور
- سن اشاعت: 1968
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
