کیا زیست تباہ ہو گئی ہے
کیا زیست تباہ ہو گئی ہے
ہر سانس اک آہ ہو گئی ہے
اٹھتی ہی نہیں کسی طرف اب
مایوس نگاہ ہو گئی ہے
کیا چیز ہے بندگی کہ اکثر
طاعت بھی گناہ ہو گئی ہے
اے وقت نہ پوچھ تیرے ہاتھوں
کیا چیز تباہ ہو گئی ہے
جاتی تھی کبھی جو دل سے دل تک
مسدود وہ راہ ہو گئی ہے
پڑتے ہی جبین وقت پر بل
کج اپنی کلاہ ہو گئی ہے
بربادئ دل کے ساتھ بسملؔ
دنیا ہی تباہ ہو گئی ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
