kyun malamat ka hadaf gardish-e-paimana bane
Interesting Fact
A Tribute to Aarzoo Lakhnavi
kyuuñ malāmat kā hadaf gardish-e-paimāna bane
laġhzish-e-pā se mirī ka.aba-o-but-ḳhāna bane
aql ke bas kī nahīñ baḳhiyā-girī phūloñ kī
dard jis ko ho gulistāñ kā vo dīvāna bane
lab-e-hikmat se shab-o-roz ujāle Tapke
tīra-zehnī kā magar ye bhī mudāvā na bane
be-sabab shauq nahīñ mā.il-e-afsāna-garī
har haqīqat kī ye ḳhvāhish hai ki afsāna bane
ruḳh-e-jānāñ ke tasavvur hī meñ rāteñ guzrīñ
chāñd-tāre dil-e-mahjūr kī duniyā na bane
āshnā fasl-e-bahārāñ hī nahīñ hai shāyad
kyā kahīñ phuul ki kyuuñ sabza-e-begāna bane
maiñ to huuñ sham-sifat-soz sarāpā 'shiblī'
jis ko jalnā nahīñ aatā ho vo parvāna bane
kyun malamat ka hadaf gardish-e-paimana bane
laghzish-e-pa se meri kaba-o-but-KHana bane
aql ke bas ki nahin baKHiya-giri phulon ki
dard jis ko ho gulistan ka wo diwana bane
lab-e-hikmat se shab-o-roz ujale Tapke
tira-zehni ka magar ye bhi mudawa na bane
be-sabab shauq nahin mail-e-afsana-gari
har haqiqat ki ye KHwahish hai ki afsana bane
ruKH-e-jaanan ke tasawwur hi mein raaten guzrin
chand-tare dil-e-mahjur ki duniya na bane
aashna fasl-e-bahaaran hi nahin hai shayad
kya kahin phul ki kyun sabza-e-begana bane
main to hun sham-sifat-soz sarapa 'shibli'
jis ko jalna nahin aata ho wo parwana bane
Source:
Be-Chehrah Lamhe (Pg. 69)
- Author: Alqama Shibli
-
- Edition: 1975
- Publisher: Shaharyaar Brothers Publications
- Year of Publication: 1975
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
