mahdud-nigahi ke sanam TuT rahe hain
mahdūd-nigāhī ke sanam TuuT rahe haiñ
tārīk ujāloñ ke bharam TuuT rahe haiñ
is daur kī badlī huī raftār kā aalam
shīshoñ kī tarah naqsh-e-qadam TuuT rahe haiñ
tishna hai mirā jaam to kuchh ġham nahīñ saaqī
ye ġham hai ki rindoñ ke bharam TuuT rahe haiñ
is raaz ko arbāb-e-siyāsat se na pūchho
kyuuñ rābta-e-dair-o-haram TuuT rahe haiñ
ye ziist hai yā riit kā kamzor gharauñdā
ban ban ke yuuñ hī sadiyoñ se ham TuuT rahe haiñ
hālāt kā ye ruḳh bhī 'hayāt' aap samajh leñ
kyuuñ zulm ba-andāz-e-karam TuuT rahe haiñ
mahdud-nigahi ke sanam TuT rahe hain
tarik ujalon ke bharam TuT rahe hain
is daur ki badli hui raftar ka aalam
shishon ki tarah naqsh-e-qadam TuT rahe hain
tishna hai mera jam to kuchh gham nahin saqi
ye gham hai ki rindon ke bharam TuT rahe hain
is raaz ko arbab-e-siyasat se na puchho
kyun rabta-e-dair-o-haram TuT rahe hain
ye zist hai ya rit ka kamzor gharaunda
ban ban ke yun hi sadiyon se hum TuT rahe hain
haalat ka ye ruKH bhi 'hayat' aap samajh len
kyun zulm ba-andaz-e-karam TuT rahe hain
Source:
Rooh-e-Ghazal,Pachas Sala Intekhab (Pg. 206)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
