محفل میں آج مرثیہ خوانی ہی کیوں نہ ہو
محفل میں آج مرثیہ خوانی ہی کیوں نہ ہو
آنکھوں سے بہنے دیجیے پانی ہی کیوں نہ ہو
نشے کا اہتمام سے رشتہ نہیں کوئی
پیغام اس کا آئے زبانی ہی کیوں نہ ہو
ایسے یہ غم کی رات گزرنا محال ہے
کچھ بھی سنا مجھے وہ کہانی ہی کیوں نہ ہو
کوئی بھی ساتھ دیتا نہیں عمر بھر یہاں
کچھ دن رہے گی ساتھ جوانی ہی کیوں نہ ہو
اس تشنگی کی قید سے جیسے بھی ہو نکال
پینے کو کچھ بھی چاہیے پانی ہی کیوں نہ ہو
دنیا بھی جیسے تاش کے پتوں کا کھیل ہے
جوکر کے ساتھ رہتی ہے رانی ہی کیوں نہ ہو
تصویر اس کی چاہیے ہر حال میں مجھے
پاگل ہو سر پھری ہو دوانی ہی کیوں نہ ہو
سونا تو یار سونا ہے چاہے جہاں رہے
بیوی ہے پھر بھی بیوی پرانی ہی کیوں نہ ہو
اب اپنے گھر میں رہنے نہ دیں گے کسی کو ہم
دل سے نکال دیں گے نشانی ہی کیوں نہ ہو
مأخذ:
Shadaba (Pg. 15)
- مصنف: Munavar Rana
-
- اشاعت: 2012
- ناشر: Maktaba Al-faheem
- سن اشاعت: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
