میں خود کو جتنا روتا جا رہا ہوں
میں خود کو جتنا روتا جا رہا ہوں
کمال ضبط ہوتا جا رہا ہوں
مجھے درکار تھا سیلاب میرا
جہاں کچھ ہے ڈبوتا جا رہا ہوں
کوئی پھر میرا اپنا ہو رہا ہے
کسی سے ہاتھ دھوتا جا رہا ہوں
بھرا ہے خواہشوں کی پوٹلی سے
بدن کا بوجھ ڈھوتا جا رہا ہوں
تقاضا ہے سنبھلنے کا مجھے اور
میں اپنا ہوش کھوتا جا رہا ہوں
اڑے گی فصل ہر اک سمت میری
ہوا میں خود کو بوتا جا رہا ہوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
