محبت کی دنیا میں آ کر تو دیکھو
محبت کی دنیا میں آ کر تو دیکھو
کسی کو تم اپنا بنا کر تو دیکھو
مرے عشق کو آزما کر تو دیکھو
مری جان پر حشر ڈھا کر تو دیکھو
کوئی شے نگاہوں سے باہر نہیں ہے
نگاہوں سے پردا ہٹا کر تو دیکھو
محبت کی دنیا ہے راحت کی دنیا
محبت کی دنیا بسا کر تو دیکھو
سمجھ جاؤ گے درد دل چیز کیا ہے
کبھی عشق کی چوٹ کھا کر تو دیکھو
نہیں دل لگی دل کسی سے لگانا
کسی سے ذرا دل لگا کر تو دیکھو
یہی راہ ہستی کو روشن کرے گا
چراغ محبت جلا کر تو دیکھو
ہمیں تاب دیدار ہے یا نہیں ہے
مقابل نگاہوں کے آ کر تو دیکھو
ہماری نظر میں بڑی وسعتیں ہیں
ہماری نظر میں سما کر تو دیکھو
بتا دیں گے ہم عشق ہے نام کس کا
ہمیں اپنا شیداؔ بنا کر تو دیکھو
مأخذ:
دل کی آواز (Pg. 63)
- مصنف: شیدا انبالوی
-
- ناشر: اعلیٰ پرنٹنگ پریس، دہلی
- سن اشاعت: 1982
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
