aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mohabbat mustaqil kaif-afrin malum hoti hai

Behzad Lakhnavi

mohabbat mustaqil kaif-afrin malum hoti hai

Behzad Lakhnavi

MORE BYBehzad Lakhnavi

    mohabbat mustaqil kaif-āfrīñ mālūm hotī hai

    ḳhalish dil meñ jahāñ par thī vahīñ mālūm hotī hai

    tire jalvoñ se Takrā kar nahīñ mālūm hotī hai

    nazar bhī ek mauj-e-tah-nashīñ mālūm hotī hai

    nuqūsh-e-pā ke sadqe bandagī-e-ishq ke qurbāñ

    mujhe har samt apnī jabīñ mālūm hotī hai

    mirī rag rag meñ yuuñ to dauḌtī hai ishq bijlī

    kahīñ zāhir nahīñ hotī kahīñ mālūm hotī hai

    ye e.ajāz-e-nazar kab hai ye kab hai husn kāvish

    hasīñ jo chiiz hotī hai hasīñ mālūm hotī hai

    umīdeñ toḌ de mere dil-e-muztar ḳhudā-hāfiz

    zabān-e-husn par ab tak nahīñ mālūm hotī hai

    use kyuuñ mai-kada kahtā hai batlā de mire saaqī

    yahāñ sar-zamīñ ḳhuld-e-barīñ mālūm hotī hai

    are ai chāra-gar haañ haañ ḳhalish jis ko kahtā hai

    ye shai dil meñ nahīñ dil ke qarīñ mālūm hotī hai

    kisī ke pā-e-nāzuk par jhukī hai aur nahīñ uThtī

    mujhe 'bahzād' ye apnī jabīñ mālūm hotī hai

    mohabbat mustaqil kaif-afrin malum hoti hai

    KHalish dil mein jahan par thi wahin malum hoti hai

    tere jalwon se Takra kar nahin malum hoti hai

    nazar bhi ek mauj-e-tah-nashin malum hoti hai

    nuqush-e-pa ke sadqe bandagi-e-ishq ke qurban

    mujhe har samt apni hi jabin malum hoti hai

    meri rag rag mein yun to dauDti hai ishq ki bijli

    kahin zahir nahin hoti kahin malum hoti hai

    ye eajaz-e-nazar kab hai ye kab hai husn ki kawish

    hasin jo chiz hoti hai hasin malum hoti hai

    umiden toD de mere dil-e-muztar KHuda-hafiz

    zaban-e-husn par ab tak nahin malum hoti hai

    use kyun mai-kada kahta hai batla de mere saqi

    yahan ki sar-zamin KHuld-e-barin malum hoti hai

    are ai chaara-gar han han KHalish tu jis ko kahta hai

    ye shai dil mein nahin dil ke qarin malum hoti hai

    kisi ke pa-e-nazuk par jhuki hai aur nahin uThti

    mujhe 'bahzad' ye apni jabin malum hoti hai

    Source:

    Kaif-o-Suroor (Pg. B-67 E-65)

    • Author: Behzad Lakhnavi
      • Publisher: Saqi Book Depot, Delhi
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now