mubtala-e-itab hain hum log

mubtalā-e-itāb haiñ ham log

ik asīr-e-azāb haiñ ham log

apne dil ko itaab haiñ ham log

ḳhud sarāsar azaab haiñ ham log

apnī barbādī apne hāthoñ kī

kaise ḳhāna-ḳharāb haiñ ham log

apnā koī bhī to javāb nahīñ

ḳhud hī apne javāb haiñ ham log

kaash nākāmiyāñ hoñ pai-dar-pai

samjho ki kāmyāb haiñ ham log

kah rahī hai jinheñ burā duniyā

vo hī ḳhāna-ḳharāb haiñ ham log

apnī manzil se ham palaT aa.e

aise gumrāh janāb haiñ ham log

aaj duniyā ke sāmne ai 'rāz'

dam-ba-ḳhud lā-javāb haiñ ham log

mubtala-e-itab hain hum log

ek asir-e-azab hain hum log

apne dil ko itab hain hum log

KHud sarasar azab hain hum log

apni barbaadi apne hathon ki

kaise KHana-KHarab hain hum log

apna koi bhi to jawab nahin

KHud hi apne jawab hain hum log

kash nakaamiyan hon pai-dar-pai

samjho ki kaamyab hain hum log

kah rahi hai jinhen bura duniya

wo hi KHana-KHarab hain hum log

apni manzil se hum palaT aae

aise gumrah janab hain hum log

aaj duniya ke samne ai 'raaz'

dam-ba-KHud la-jawab hain hum log