aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

منجمد ہونٹوں پہ ہے یخ کی طرح حرف جنوں

ضیا جالندھری

منجمد ہونٹوں پہ ہے یخ کی طرح حرف جنوں

ضیا جالندھری

MORE BYضیا جالندھری

    منجمد ہونٹوں پہ ہے یخ کی طرح حرف جنوں

    سر کسی سیل زدہ شاخ کے مانند نگوں

    کہاں سرما نفس الفاظ کہاں سوز دروں

    لالۂ دشت زمستاں ہے میں جو بات کہوں

    میں کہاں پہنچا کہ ہر بت جسے پوجا اب تک

    ہے شکستہ سر خاک اور میں شکستہ تو ہوں

    رحم کر خواب تمنا پہ نگاہ نگراں

    ٹوٹ کر چاروں طرف بکھرے پڑے ہیں افسوں

    خشت کوبی میں کسے فرصت خواب خوباں

    زندہ رہنے کے تقاضوں نے کیا زیست کا خوں

    کتنے اقدار کے ایوان زمیں بوس ہوئے

    آگہی راکھ کا اک ڈھیر ہوئی جاتی ہے کیوں

    کتنے ارمان زمستاں زدہ شاخوں کی طرح

    ہاتھ پھیلائے ہوئے تکتے ہیں سوئے گردوں

    شب عجب سوختہ سامان مسافر آئے

    جسم آغشتہ بہ خوں چہرے ملول و محزوں

    بولے اے اجنبی اے سادہ تمنا ہمیں دیکھ

    ہم بھی رکھتے تھے کبھی آرزوئیں گونا گوں

    اور پھر ہم پہ کھلا وقت کی رفتار کا راز

    اب کوئی رنگ کوئی روپ نہیں وجہ سکوں

    بجھ گئیں آرزوئیں شام کے بادل کی طرح

    گلشن‌ و شہر ہوئے برف کی تہہ میں مدفوں

    جا بہ جا حوصلے تاراج ہوئے دل ٹوٹے

    پے بہ پے ہم نے سہے سرد ہوا کے شب خوں

    زندگی محض شکستوں کا اک انبار گراں

    اب ان آنکھوں میں نہیں کوئی طلسم‌ فیکوں

    ہم تو اے اجنبی مہمان ہیں کوئی دم کے

    دم بہ دم موج فنا کہتی ہے میں ہوں میں ہوں

    صبح دم سوختہ سامان مسافر بھی گئے

    پھر وہی ہم وہی تنہائی وہی حال زبوں

    ویڈیو
    This video is playing from YouTube

    Videos
    This video is playing from YouTube

    ضیا جالندھری

    ضیا جالندھری

    مأخذ:

    Funoon(Jadeed Ghazal Number: Volume-002) (Pg. 201)

      • اشاعت: 1969
      • ناشر: احمد ندیم قاسمی
      • سن اشاعت: 1969

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے